Gratulerer Kon-Tiki med rekord
Aldri før har ein norsk film blitt sett av så mange i løpet av ei premierehelg.
Denne artikkelen er eldre enn 1 år gamal. Det betyr at noko av informasjonen kan vere utdatert.
I løpet av premierehelga 24. til 26. august har heile 157 730 mennesker sett Kon-Tiki. Dermed er den gamle rekorden slått: Max Manus blei sett av 134.842 den første helga den gjekk på kino. Regissørane Espen Sandberg og Joachim Rønning står bak begge desse suksess-filmane.
– Eg gratulerer alle medverkande i Kon-Tiki med gode tal. Den nye rekorden viser at me kan laga publikumssuksessar i Noreg, seier kulturminister Anniken Huitfeldt i ei pressemelding.
Kon-Tiki har blitt digitalt distribuert. Digitaliseringa av norske kinoar har gjort at mange fleire små kinoa i Noreg kan halde premierer, held ho fram.
Sjå klipp frå filmen under:
