Utfordrar kommunane på bibliotek
Alle kommunar bør laga ein plan for å styrkja lesedugleiken her i landet. Det meiner Norsk Bibliotekforening.
Denne artikkelen er eldre enn 1 år gamal. Det betyr at noko av informasjonen kan vere utdatert.
Krev leseplan i kvar kommune
Bibliotekforeininga er uroa for at så mange slit med å lesa.
Tal frå OECD viser at så mange som opp mot ein million menneske slit med å lesa her i landet, skriv foreininga i ei pressemelding. Dei meiner det viser at lesing ikkje berre er eit personleg problem, men eit samfunnsproblem.
For å snu den negative utviklinga meiner foreininga at kommunane må ha ein plan for lesing allereie frå barna går i barnehagen.
Skulen er likevel det viktigaste for å læra barn å lesa, slår foreininga fast. Dei minner om kor viktig det er med eit godt skulebibliotek med god bemanning.
Kommunane blir også oppmoda om å rusta opp lokale folkebibliotek slik at dei kan nå ut også til folk som ikkje oppsøkjer biblioteket. (©NPK)
Kva bør kommunane gjera for å få feire til å nytta seg av bibliotektet?
