Éin av tre i førstegongstenesta er kvinner

I 2014 var litt over 13 prosent av dei i førstegongstenesta kvinner.

Ti år seinare, i 2024, hadde andelen auka til over 32 prosent.

Tysdag markerte forsvarsministeren ti år med allmenn verneplikt, på Setermoen, saman med soldatar som skal i gang med førstegongstenesta si.

– Innføringa av allmenn verneplikt har vore ein suksess, og det at mange av dei vernepliktige er kvinner, styrkar både Forsvaret og samfunnet, seier forsvarsminister Tore O. Sandvik (Ap) i ei pressemelding.