Stoltenberg: Oljefondet skal ikkje ha eigardelar i selskap som medverkar til Israels krigføring

– I dei etiske retningslinene for fondet blir det slått fast at det ikkje skal investerast i selskap som medverkar til statars brot på folkeretten. Difor skal ikkje Pensjonsfondet ha eigardelar i selskap som medverkar til Israels krigføring i Gaza, sa finansminister Jens Stoltenberg (Ap) under ein pressekonferanse måndag ettermiddag.

Fondet var ved utgangen av halvåret investert i totalt 61 israelske selskap. Elleve av desse er ikkje ein del av referanseindeksen til Finansdepartementet, og Oljefondet har no selt seg ut av desse selskapa.

Nedsalet starta førre veke og vart fullført måndag, opplyser Stoltenberg.