Politiet ber ungdom som blir rana om å ikkje gjere motstand
Politiet rår ungdommar til ikkje å yte motstand om dei skulle bli rana. Særleg ikkje om det er våpen involvert.
– Ikkje yt motstand, sånn at valden aukar og blir meir alvorleg. Spesielt viss det er våpen involvert, seier politiinspektør Lars Morten Lothe til Bergens Tidende.
Tal BT har fått innsikt i viser at politiet har registrert 35 saker som dei meiner er ran i Bergen i år – frå januar og fram til oktober – der dei mistenkte er under 18 år. I heile fjor var det 52.
Offera er ifølgje politiet ofte mellom 12 og 15 år. Gjerningspersonane er ofte litt eldre, men under myndigalder.
– Vi såg at det vart vanlegare at mindreårige rana andre mindreårige. Det var dyre klede og sko, gjerne belte og kapsar, seier Lothe.
Men kva skal så ungdommar som blir rana gjere?
– Legg merke til detaljar ved gjerningspersonane, dei må prøve å merke seg kva handlinga faktisk består i. Altså; kva som faktisk blir gjort med ein, og korleis gjerningspersonane ser ut, sånn at det er mogleg å fortelje det til politiet seinare.
