Rekordmange har meldt seg opp til borgarleg konfirmasjon i 2025

Måndag opna konfirmasjonspåmeldinga for Human-Etisk Forbund i Noreg.

Allereie har 8000 ungdommar meldt seg på – det er ny påmeldingsrekord.

I 2024 låg talet på 7.950 etter éin dag, i 2023 var talet 7.289.

– Endå ein gong ser vi ei enorm interesse for humanistisk konfirmasjon allereie dagen vi opnar for påmelding, fortel generalsekretær Trond Enger i Human-Etisk Forbund.

Forbundet har over 158.000 medlemmer og har hatt ein medlemsvekst på over 50.000 dei siste tre åra.