HETEBØLGE: Ei skulejente dekker ansiktet sitt med eit skjerf på ein varm ettermiddag i Jammu, India, 18. mai. | Foto: Channi Anand / AP Photo / NTB
Hetebølge stenger skular
Indiske barn fekk tidleg sommarferie på grunn av høge temperaturar
Saka vart først publisert hjå systeravisa vår, Framtida Junior.
På måndag var temperaturen i Delhi i India 47,4 grader. Myndigheitene bestemte derfor å stenge skulane og gi barna tidleg sommarferie, skriv The Guardian.
Skular andre stader i India, som i Haryana, Madhya Pradesh, Punjab og Rajasthan, blei også stengde.
Indiske meterologar melder om «alvorleg hetebølge» denne veka. På grunn av klimaendringane kjem hetebølger i India oftare, dei er lengre og meir intense.
Annonse
