Stord-artisten har for tida dilla på «Doing It Again Baby» av girl in red, og guilty pleasure-låten hennar er «Don’t Go Breaking My Heart» av Backstreet Boys.
Hilde Skaar, kjent under artistnavnet SKAAR, debuterte i 2018 som soloartist med singelen «Higher Ground».
No er ho aktuell med EP-en «Mad Women», med eit stjernelag av kvinnelege gjesteartistar som Emilie Nicolas, Ane Brun, HILLARI og Fay Wildhagen.
Fakta
- Namn: Hilde Skaar
- Alder: 25
- Frå: Stord
- Aktuell med: EP-en «Mad Women»
Spellemann og cover
Nyleg vann ho også prisen for årets låtskrivar på Spellemann-utdelinga.
Sjå dette innlegget på Instagram
På spørsmål om kva låtar ho gjerne skulle stått bak sjølv, svarar singer-songwriteren to klassikarar.
– «I Can’t Make You Love» me av Bonnie Ryatt eller «Fix You» av Coldplay!
– Og kva for ein av låtane dine drøymer du om å høyre tolka av kva for ein artist?
– Å høyre Gabrielle synge «Quiet» hadde vore heilt magisk.
Dette høyrer ho på når ho er …:
Tenårings favorittane går på repeat
Skaar fortel at det går ein del timar til musikklytting.
– Det varierer veldig! Kanskje éin time i gjennomsnitt kvar dag. Høyrer òg ekstremt mykje på podkast!
Det første albumet stordabuen kjøpte var på barneskulen, «Greatest Hits» av Foo Fighters.
– Kva synest du i dag om musikksmaken din som tenåring?
– Utruleg bra! Eg går ofte tilbake til den musikken eg likte då. Eg har ganske lik smak no som då!
Den mest undervurderte artisten, er ifølge Skaar ein av hennar store favorittar: BANKS.
– Ho er dødsrå!
Lenger ned i teksten dreg ho fram nokon av favoritt låtane sine av artisten.
Favorittar
Favorittsjanger: Pop/indie
Favorittband/artist: Coldplay, Bon Iver, BANKS
Favorittlåt: «Life in Technicolor ii» – Coldplay
Beste treningslåt: «Boss Bitch» – Doja Cat
Verdas beste kjærleikslåt: «I Can’t Make You Love Me» (Bon Iver versjon)
Guilty pleasure: «Don’t Go Breaking My Heart» – Backstreet Boys
Nye låtar og Emilie Nicolas
– Kva syng du helst i dusjen?
– Enten eigne unreleased låtar som eg gler meg til å gje ut eller så går det mykje i Bon Iver og Emilie Nicolas!
– Kva for artist ville du stått fast med i heisen? Og kva ville du snakka om?
– Florence Welch! Ho verkar utruleg kul. Hadde snakka om musikk og datingliv!
Om ho fekk vere med i «Hver gang vi møtes», har ho artistlista klar.
– Thomas Dybdahl, Odd Nordstoga, Emilie Nicolas, Gabrielle og Ane Brun hadde vore rått!
Sjå dette innlegget på Instagram
– Kva låttolking ville du spelt for ein av dei andre artistane?
– Ville utan tvil ha spelt «Feel fine» av Emilie Nicolas. For ei nydeleg låt!
Største konsertoppleving og den ultimate bryllaupssongen
Den største konsertopplevinga hennar var med den kjende norske rap-duoen Karpe i Oslo Spektrum.
– Det var heilt ellevilt og noko eg aldri kjem til å gløyme!
– Kven er din draume-duettpartnar – og kva låt skulle de teke?
– Det er utan tvil Chris Martin. Kanskje «The Scientist» sidan eg har ein versjon av den sjølv! Liten tostemt der på refrenget hadde vore rått, haha!
Her kan du høyre SKAAR sin versjon av Coldplay-låten, om du vart nysgjerrig:
– Kva låt har du dilla på no?
– «Doing It Again Baby» av girl in red elskar eg no!
– Kva låt vil du ha i bryllaupet ditt?
– Hmmm …«Iris» frå The Goo Goo Dolls. Gigantisk guilty pleasure og ultimate lovesong!
Til slutt eit litt dystert spørsmål:
– Kva låt vil du ha i gravferda di?
– Kanskje noko av Sufjan Stevens … Og Bon Iver. Kva som helst av dei!
