MENYLUKK
TIPS OSS
TIPS OSS

Kreftsjuke Emma (11) fekk møte landslaget

I dag har mange på seg fotballtrøye for å støtte kampen mot barnekreft.

Birgitte Vågnes Bakken
Publisert

Har du lagt merke til mange som har på seg fotballdrakt i dag? Barnekreftforeningen arrangerer «fotballtrøyefredag» 3. mai. Dei oppmodar folk til å ta på seg ei fotballtrøye for å støtte kampen mot barnekreft.

Fekk møte landslaget

Over 200 barn og unge i Noreg mellom 0 og 18 år får kreft kvart år.

Emma (11) drøymer om å bli landslagskeeper. No har ho fått si eiga drakt. Foto: Barnekreftforeningen

Ei av dei er 11 år gamle Emma. Vanlegvis er ho keeper for Driv IL, men no får ho behandling for blodkreft.

Emma drøymer om å spele fotball for Noreg ein dag. Ho fekk møte spelarane på landslaget då Norges Fotballforbund og Barnekreftforeningen arrangerte draumedag for ho.

– For mange barn og unge med kreft er fråværet av normalitet veldig vondt. Dei saknar å gå på skulen og møte vennane sine på trening. Fotballen er ein viktig sosial arena for tusenvis av barn og unge, seier generalsekretær for Barnekreftforeningen Trine Nicolaysen i ei pressemelding.

Emma fekk gå ut på grasmatta på Ullevaal stadion saman med kaptein Guro Reiten. Foto: Barnekreftforeningen

Treng meir forsking

Nicolaysen understrekar at barnekreft ikkje er det same som vaksenkreft, og at det trengst pengar så ein kan forske meir på kreft som rammar barn. Difor oppmodar dei folk til å vippse ein sum i tillegg til å ta på seg fotballdrakt.


Relaterte saker

Då eg var 20: Mushaga Bakenga vart utanlandsproff og onkelen overlevde attentatforsøk

HPV-vaksine kan redde vaksne menn frå kreft

Rodri og Bonmatí fekk Gullballen