Skrivekonkurranse: «Ein menneskerett»

1. Brot på menneskerettane

«Det bryt med menneskerettane», er ei utsegn ein ofte høyrer.

Skriv om ein situasjon anten i Noreg eller internasjonalt du meiner er/var eit brot på menneskerettane til ein eller fleire personar. Forklar situasjonen med gode kjelder, og argumenter for kva for menneskerettar du meiner situasjonen er eit brot på.

2. Ein ukjend menneskerett

Finn ein menneskerett du meiner får for lite merksemd. Skriv ei tekst om kvifor dette er ein viktig menneskerett og kva som skal til for at denne vert vareteken.

Bruk kjelder og/eller døme frå eige liv og vis gjerne til praksis i Noreg eller andre stader i verda, som du meiner utfordrar denne menneskeretten.

3. Gratis skule

I artikkel 26 i FNs menneskerettar heiter det at:

«Alle har rett til undervisning. Opplæringa skal vere kostnadsfri, i det minste i den allmenne grunnskulen. Den elementære undervisninga skal vere pliktig for alle. Alle skal ha høve til å få fagopplæring, og det skal vere like vilkår for alle til å få høgare utdanning, alt etter dei evnene dei har.»

Diskuter om denne menneskeretten vert oppfylt i Noreg. Bruk gjerne eit døme som er viktig for å sikra alle barn retten til undervisning i Noreg, eller eit døme som gjer at denne retten ikkje blir oppfylt for alle. Bruk gjerne kjelder og/eller døme frå eige liv.

4. Foreldre vs. barn sine rettar

I artikkel 26 i FNs verdserklæring om menneskerettane står det at:

«Foreldra har førsteretten til å velje kva slags opplæring barna deira skal få.»

Er det tilfelle der barn sine rettar står i motsetnad til foreldra sine? Diskuter i kva saker barn og foreldre sine rettar kan stå i konflikt. Bruk gjerne konkrete døme, anten faktiske eller tenkte scenario.

Til denne oppgåva kan du òg sjå på FNs barnekonvensjon, som du finn her.

Konkurransereglar:

Premie: 1500 kroner og publisering på Framtida.no og Magasinett sine nettsider.

Aldersgrense: 15–25 år

Målform: Nynorsk

Frist: 24. mars 2024

Send inn svaret ditt via Framtida.no sin meiningsportal her, der du kryssar av for «Bidrag til skrivekonkurranse».

Framtida sine tilsette og skribentar kan ikkje delta i skrivekonkurransen.

Vinnaren vil verte kontakta av Framtida.no, saman med eventuelle bidrag som juryen gir heiderleg omtale og vil publisera. Dei bidraga juryen løftar fram vil få ein premie i posten.