Wenche Foss’ Ærespris til Linn Skåber og Skeiv Ungdom
Denne artikkelen er eldre enn 1 år gamal. Det betyr at noko av informasjonen kan vere utdatert.
Ei rekkje kjende personar var til stades for å hylle vinnarane då tildelinga fann stad i Rokokkosalen på Grand Hotel i Oslo onsdag.
Wenche Foss’ Ærespris skal ifølgje statuttane gå til ein person, organisasjon eller institusjon som i sterk grad kan knytast til livsgleda hennar, formidlingsevne og engasjementet – både på og utanfor den kunstnariske arenaen.
– Vinnaren av Wenche Foss’ Ærespris i år er eit multitalent av dei heilt sjeldne. For å vise breidda i arbeidet til vinnaren, vil juryen spesielt trekkje fram den glimrande ungdomsboka «Til ungdommen», illustrert av Lisa Aisato.
Det skriv juryen i grunngivinga si for kvifor Linn Skåber er prisvinnar i år.
Øyremerkt Ungdomstelefonen
Prispengane til den andre mottakaren, Skeiv Ungdom, er øyremerkt Ungdomstelefonen og dei frivillige som jobbar der. Skeiv Ungdoms hjelpetelefon tilbyr alle unge å få nokon å snakke eller chatte med om seksualitet, kjønn og identitet.
– Wenche Foss sjølv ville ha vore uhyre stolt av den viktige jobben de gjer. I dag fargar vi Æresprisen i fargane til regnbogen og hyllar Skeiv Ungdom, seier juryen, som består av leiar Ellen Horn, Foss’ son Fabian Stang og Se og Hør-redaktør Ulf André Andersen.
Prisen er på 100.000 kroner og er sidan starten i 2009 vorte delt mellom to mottakarar kvar gong.
Jane-Victorius Bonsaksen, leiar i Skeiv ungdom. Foto: Ingvild Eide Leirfall
