Slik strikkar du din eigen tjafs

Du treng:

• 50 g garn for einsfarga og 50 g av kvar farge for tofarga
• Rundpunne nr. 4, 40 cm
• Heklenål nr. 4
• Strikk, 20 cm

Strikketettleik: 21 masker x 28 pinner = 10 x 10 cm.

Tjafsen blir strikka rundt på rundpinne, blir bretta dobbelt i lengda, og blir hekla saman til slutt.

Foto: Ingunn V. Steinsvåg/Norsk Målungdom

Enkel tjafs

1. Legg opp 92 masker på rundpinne nr. 4, 40 cm.
2. Strikk glattstrikk rundt til arbeidet måler 12 cm.
3. Fell av. Ikkje klipp av tråden, men tre nøsta gjennom den siste maska.
4. Fest oppleggstråden.
5. Hekl kant rundt.

Foto: Ingunn V. Steinsvåg/Norsk Målungdom

Perletjafs

1. Legg opp 92 masker på rundpinne nr. 4, 40 cm.
2. Strikk perlestrikk (1 rett, 1 vrang, motsett andre omgang) rundt til arbeidet måler 12 cm.
3. Fell av. Ikkje klipp av tråden, men tre nøsta gjennom den siste maska.
4. Fest oppleggstråden.
5. Hekl kant rundt.

Foto: Ingunn V. Steinsvåg/Norsk Målungdom

Nynorsktjafs

1. Legg opp 92 masker på rundpinne nr. 4, 40 cm.
2. Strikk 6 omganger glattstrikk og start på mønster. Start nede til høgre, og strikk mønsteret to ganger per omgang.
3. Strikk 14 omganger glattstrikk mellom kvart ord, og avslutt med 6 omganger glattstrikk.
4. Fell av. Ikkje klipp av tråden, men tre nøsta gjennom den siste maska. Fest alle trådane, utanom den siste.
5. Hekl kant rundt.

Foto: Ingunn V. Steinsvåg/Norsk Målungdom

Tjafsen

1. Legg opp 93 masker på rundpinne nr. 4, 40 cm.
2. Strikk 6 omganger glattstrikk og start på mønster. Start nede til høgre, og strikk mønsteret tre ganger per omgang.
3. Strikk 14 omganger glattstrikk mellom kvart ord, og avslutt med 6 omganger glattstrikk.
4. Fell av. Ikkje klipp av tråden, men tre nøsta gjennom den siste maska.
5. Fest alle trådane, utanom den siste.
6. Hekl kant rundt.

NMU-tjafs

1. Legg opp 92 masker på rundpinne nr. 4, 40 cm.
2. Strikk 1 omgang glattstrikk og start på mønster.
3. Start nede til høgre, og strikk mønsteret fire ganger per omgang.
4. Avslutt med 1 omgang glattstrikk og fell av.
5. Ikkje klipp av tråden, men tre nøsta gjennom den siste maska.
6. Fest alle trådane, utanom den siste.
7. Hekl kant rundt.

Heklekant

1. Legg oppleggskanten mot avfellingskanten og hekl rundt tjafsen med helkenål nr. 4.
2. Hekl 1 fastmaske i kvar maske gjennom begge lag.
3. Når det står att om lag 5 cm, trer du strikken gjennom tjafsen, knyter ein knute på strikken og hekler deretter dei siste 5 cm på tjafsen sammen.
4. Avslutt med ei kjedemaske i den fyrste fastmaska.
5. Klipp av og fest tråden.

• Les også intervjuet med Ingunn (25) om korleis ho vart hekta på strikking og hennar beste råd! – Det er ikkje så vanskeleg som det ser ut som

Ingunn V. Steinsvåg (25) har strikka sidan ho var 6 år gamal, og følgjer nesten aldri oppskrifter til punkt og prikke. Foto: Privat