Fotballspelar Collin Martin vart hetsa for å vere skeiv – lagkameratane gjekk av banen i protest

– Collin Martin som er ein open homofil spelar vart kalla eit homofobisk skjellsord og San Diego går av banen, seier kommentatoren.

I klippet ser ein korleis heile San Diego Loyals set seg ned på kne og går av banen i protest, rett etter avspark i andre omgang.

The @SanDiegoLoyal walk off the pitch after a homophobic slur was thrown at openly gay player Collin Martin by a Phoenix Rising player. @USLChampionship #USL #SDvPHX pic.twitter.com/YYumVbYjN4

— Matt George (@MattGeorgeKHTK) October 1, 2020

Dommarforvirring

Hendinga skjedde onsdag 30. september, då San Diego Loyals møtte Phoenix Rising i USL Championship.

Oppspelet til hendinga skal ifølgje Collin Martin vore at motspelar Junior Flemmings kalla han «Bati Boy», som er eit homofobisk skjellsord.

Då Martin informerte dommaren om hendinga fekk han først raud kort, fordi dommaren misforstod. Dette gjekk seinare til trenaren hans, som entra banen.

I pausen kan ein sjå korleis ein tydeleg opprørt trenar for San Diego Loyals, Landon Donovan, diskuterer med dommaren og trenaren for Phoenix Rising:

Då misforståinga vart oppklara fekk Martin kome tilbake på banen, men laget var ikkje nøgd med måten lagkameraten vart behandla på og gjekk difor av banen i protest.

Martin: – Ein lang veg å gå

I eit innlegg på Instagram forklarar Martin at dette ikkje er første gong han har høyrt dette homofobiske skjellsordet, men at det er første gong i hans åtte år lange fotballkarriere at han har fått det slengt etter seg under ein kamp.

25-åringen hyllar lagkameratane for deira kollektive avgjersle om å gå av banen i solidaritet.

– Eg håpar dette kan vere endå eit døme på at me har ein lang veg å gå når det kjem til å opplyse oss sjølv og sparke hatet ut av spelet vårt, avsluttar han innlegget.

 

Se dette innlegget på Instagram

 

My statement on the events that transpired in last nights game. The response that followed from my coaches, teammates, and the entire @SanDiegoLoyal organization was truly moving. They had my back and wanted to make a statement that we aren’t going to stand for this hate in our game. In particular, the leadership that @landondonovan10 showed in the moment was something I think we all can admire. I’m proud to be a part of this club and I hope this is just another example that there’s room for growth in our game and in society as a whole.

Et innlegg delt av Collin Martin (@cm7md) Okt. 1, 2020 kl. 1:01 PDT

Flemmings nektar for skuldingane

Også i sin førre kamp valde San Diego Loyals å gå i protest mot behandlinga av ein av sine spelarar. Den gong var det rasistiske skjellsord og i ettertid har LA Galaxy II kutta kontrakten med Omar Ontiveros som følgje av hendinga.

I eit innlegg på Twitter benektar Junior Flemmings at han har kasta homofobiske skjellsord etter Collin Martin.

– Eg er skuffa over San Diego sine handlingar ettersom eg er blitt dårleg behandla og latterleggjort på nett utan noko høve til å forsvara meg, skriv Flemmings.

Stillinga mellom dei to laga var 3-1 til San Diego Loyals, før dei gjekk av banen.

I eit utsegn frå USL Championship skriv dei at dei har sett i gong ei undersøking for å finne ut av kva som har skjedd.

• Les også: Den største kampen er utanfor bana

Negative haldningar på utanfor banen inspirerer Isabelle Arthur (16) og lagvenninnene i Central California Soccer Alliance til å kjempa hardare. Foto: Andrea Nøttveit