Innafor-Gisle kastar vekk livet på å scrolle
Gisle Gjevestad Agledahl fekk sitt store gjennombrot som programleiar i Jævla homo for tre år sidan. I desse dager er han sjå som ein av programleiarane i Innafor, der han utforskar alt frå samtykke til psykopati.
Denne artikkelen er eldre enn 1 år gamal. Det betyr at noko av informasjonen kan vere utdatert.
Gisle Agledahl. Foto: Christoffer Rontén
Namn: Gisle August Gjevestad Agledahl
Kallenamn: Oh ah, Gisle Gris
Instagram: @firgisle
Fødd: 20. oktober 1990
Heimplass: Larvik
Vidaregåande skule: Sandefjord VGS
Eg drøymde om å verte: Arkeolog og spelutvikler
…og eg vart: Journalist og programleiar
Eg er ein spel-entusiast, som set pris på å game uavbrote åtte timar i strekk.
Eg meiner min beste eigenskap er at eg er uredd, men mamma seier det er at eg vil andre godt.
Mi verste uvane er at eg kastar vekk livet på å scrolle, og du ser meg aldri utan mobilen i handa.
Eg vert alltid glad av å dra på eventyr, men køar og venting gjer meg eitrande forbanna.
Det beste rådet eg noko sinne har fått er å stille seg spørsmålet: Kva er det verste som kan skje? For i det store og det heile er jo det som oftast ikkje så ille.
Mine milepålar
Første minne: At pappa laga hoppbakke i snøen i hagen.
Første forelsking: Susanne på ungdomsskulen. Vi klina etter juleballet, men det vart ikkje oss.
Første yndlingssang: Sugababes – Overload
Første favorittrett: Pitabrød med berre ost inni.
Kvar fredag, medan eg såg på Mumfie.
Første mobil: Nokia 3310.
Første gong du flytta heimanfrå: Budde eg på ein barneheim i Peru og måtte sjekka senga for skorpionar kvar kveld.
Første gong du var full: Drakk eg rusbrus på eit jorde, fekk ein veldig allergisk reaksjon og måtte hentast av pappa.
Første motetrend du omfamna: Skateklede fra WeSC. Ikkje ein look for meg.
Første du samla på: Pokémonkort.
Første (sommar)jobb: Eg gjekk med VG på søndagar og var TOLV år? Er det i det heile teke lov?
Første ferietur til utlandet: Var til ei lita øy i Hellas. Alt eg hugsar er at eg vart venn med ein katt med tre bein og åt mykje hamburger.
Første sosiale mediet eg fekk profil på: Habbo hotel. Lurer på om det framleis finst?
Første Facebook-status: «hei :D»
Kven vil du utfordre til å skrive i skuledagboka? Line Elvsåshagen.
Marlon Langeland. Foto: Privat
Les også Skuledagboka til Marlon Langeland, mest kjend som SKAM-Jonas:
