Polen samanliknar seksualundervisning med pedofili
Trass protestar stemte det polske parlamentet i går for eit forslag der ein risikerer fleire års fengsel for å «promotera eller godkjenna seksuell aktivitet for mindreårige».
Denne artikkelen er eldre enn 1 år gamal. Det betyr at noko av informasjonen kan vere utdatert.
Onsdag var tusenvis av demonstrantar samla i Warszawa og fleire andre polske byar for å demonstrere mot eit nytt lovforslag som sidestiller seksualundervisning med pedofili, melder NTB.
«Stopp pedofili»
Om forslaget går igjennom kan dei som driv med seksualundervisning i skulen risikera inntil tre års fengsel for å «promotera eller godkjenna seksuell aktivitet for mindreårige».
Forslaget som tek sikte på å verna «barn og ungdom mot seksuell forringing» er utarbeidd av ein komité med namnet «Stopp pedofili».
Under emneknaggane #JesieńŚredniowiecza og #edukacjaseksualna har Twitter-brukarar delt videoar av protestane og sine eine reaksjonar
Ein Twitter-brukar fortel at ho lærte at ein kunne døy av aids-epidemien, men ikkje korleis ein kunne unngå hiv-smitte og at det utvikla seg:
I only knew that I could die if I get to the AIDS phase, but I didn’t know how to prevent it, how to stop HIV from developing Now I hear that more kids won’t know anything about that cause it’s going to make them crave sex #edukacjaseksualna #JesieńŚredniowiecza
— Wyass✨~ (@S0y0yM) October 17, 2019
Ein annan deler dette hjartesukket:
3-5 years imprisonment for teaching sex ed in Poland, while pedophiles in churches are untouchable. Quo vadis, Polonia? #edukacjaseksualna #sexeducation #JesieńŚredniowiecza
— Clemmu ? (@xClemmu) October 16, 2019
Andre igjen nyttar humor:
a child finds out the sacred truth under PiS government (2021 Colorized)#edukacjaseksualna pic.twitter.com/LlsO4MMx2N
— ʏʜᴡᴀɪfᴜ (@Yhwaifu) October 17, 2019
Konservativt parti vil skjerpa straffa
Medan demonstrantane var samla stemte dei folkevalde frå det konservative regjeringspartiet PiS for å jobba vidare med lovforslaget.
Søndag vann partiet, ein marginal siger i parlamentsvalet. Framgangen kan ifølgje Deutche Welle delvis skuldast partiet sine konservative haldningar knytt til homofili og seksualundervisning.
Lova om seksualundervisning var blant dei første på agendaen til partiet, som går inn for å skjerpa straffa til inntil fem års fengsel.
Leiaren av det konservative partiet PiS, Jaroslaw Kaczynski, og resten av parlamentet stemte onsdag 16. oktober for å gå vidare med forslaget som skal gjera det straffbart med fengsel å «promotera seksuell aktivitet for mindreårige». Foto: AP/Czarek Sokolowski)
PiS-politikar: – Overtolking
Den nyvalde PiS-politikaren Marcin Ociepa meiner frykta for at undervisarar kan ende opp i fengsel skuldast ei overtolking av forslaget.
– Dette seier berre at det ikkje er lov å oppmode ein person yngre enn 15 til å ha sex eller utføre andre seksuelle aktivitetar, seier Ocepia, ifølgje Deutsche Welle, til radiokanalen TOK FM.
Meiner du noko om dette eller andre tema? Send oss eit meiningsinnlegg på tips(a)framtida.no!
Les også: Ungdomspartia vil ha gratis prevensjon: – Vaksne forstår ikkje kva sex er for unge i dag
Illustrasjonsfoto: Colourbox.com
