«Blå flaggermus» av Harald Nortun er noko av det beste bokmeldar Elise Solvåg har lese på lenge av norsk barne- og ungdomslitteratur.
Fakta: Harald Nortun
  • Harald Nortun (f. 1972) er utdanna litteraturvitar og har arbeidd som lektor ved NTNU.
  • Debuterte som forfattar med romanen Røverskogen i 2006.
  • I 2015 gav han ut ein kritikarrost roman for barn, «Eksperimentet», som er omsett til fire språk, blant anna fransk og nederlandsk.
  • Nortun er busett i Trondheim
«Blå flaggermus» Harald Nortun Samalget 2019
LES FAKTALUKK FAKTA

Det er sjeldan kost å komme over ein roman for barn og ungdom som famnar så mykje på så få sider, spesielt ein som er så velskriven som det her.

Forfattar Harald Nortun slepper oss inn i ein klassisk «sommar som endrar alt», og gir oss både slag i magen og ein varm klem.

Gir oss både slag i magen og ein varm klem

Sander har vakse opp med mora si i ein dårlegare del av byen, rett ved huset til bestevennen Tomas. Han gler seg til sommarferien, men så reiser Tomas tidlegare på ferie enn planlagt, og mora har fått seg ny kjærast.

Sander kan ikkje utstå moras rike nye type som prøver å åle seg inn og tek mora hans i frå han. Han kjenner seg utanfor og oversett, og blir etter kvart pinleg klar over at det er mange sider ved livet hans som ikkje er heilt som det skal.

Nortun portretterer eit litt annleis barn når vi blir kjende med Sander. Han er nysgjerrig, sterk og intelligent – men ekstremt sårbar.

Det er noko verkeleg gripande i skildringane av eit barn som langsamt oppdagar at han og familien hans er annleis, og korleis den veksande forståinga snur opp-ned på kvardagen. Samstundes kjenner han seg stolt over kven han er.

Nortun balanserer Sander mellom tryggleik og uvisse. Det han veit og ikkje veit kjem fint fram, og saman med tema som barnevern, abort, religion og fattigdom, får boka ei sjeldan djupne. Og er eigentleg menneska frittgåande?

Boka er full av herlEg og blasfemisk humor, barnleg glede og ein god porsjon optimisme.

Men det er ikkje berre ei trist og vond historie, sjølv om det er store og tunge tema som vert tekne opp. Boka er full av herleg og blasfemisk humor, barnleg glede og ein god porsjon optimisme.

Denne romanen er noko av det beste eg har lese på ei stund innan norsk barne- og ungdomslitteratur.

Boka tar for seg så mange såre emne, utan å bli for vond til at det er kjekt å lese. Nortun vekslar mellom muntert og alvorleg språk og innhald, og han får verkeleg fram kjensla av eit barn som held på å bli ungdom.

Boka er morosam, rå, gripande og enormt godt skriven, og eg tilrår henne sterkt!

Les fleire bokmeldingar her!

VIL DU HA SISTE BOKNYTT RETT I INNBOKSEN? MELD DEG PÅ NYHENDEBREVET VÅRT!

Oppdatert: laurdag 28. september 2019 12.23

LES OGSÅ

Kommentarar

ANNONSE