Rommet mitt: Eit hav av rot
Thale Christensen (14) frå Bindal kommune i Nordland gjekk av med sigeren i Framtida.no, Magasinett, og Faktafyk sin foto- og skrivekonkurranse om «Rommet mitt» med dette bidraget.
Denne artikkelen er eldre enn 1 år gamal. Det betyr at noko av informasjonen kan vere utdatert.
Eg ligg på ei øy.
I eit hav av rot.
Stille og fredeleg, ligg eg og søv.
Mens plastpose-kvalar og belte-åler sym rundt, og slukar tusjkorkar og hårstikk.
Bøker flyt rundt, og kviskrar salte ord om ullsokk-torskar og stikkontakt-kreps.
Små, usynlege støvkorn flyg rundt, og legg seg i vassoverflata.
Varm bris frå ei vifte blæs utover sjøen, og gir vind i segl for ei einsam hybelkanin.
To langhala midgardsormar smyg seg rundt på havbotnen, i jakt på bytte, ofte i form av ein ulltråd.
