Lyrikaren og brageprisvinnaren er aktuell med thrilleren «Alt er mitt». Allereie før utgivinga er boka selt til både Tyskland og Polen.
Ruth Lillegraven (fødd 1978)
  • Er ein norsk forfattar frå Granvin i Hardanger, busett i Bærum
  • Debuterte i 2005 med diktsamlinga Store stygge dikt på Gyldendal.
  • Har skrive fleire biletbøker for barn, romanen Mellom oss og diktsamlingane Urd, Manilahallen og Sigd.
  • I 2013 vann ho Brageprisen fordiktsamlinga Urd.
  • Aktuell med krimromanen Alt er mitt på Kagge forlag.
LES FAKTALUKK FAKTA

I Tyskland har forlaget Ullstein Buchverlage kjøpt rettane, mens Wielka Litera og Storytel har sikra seg rettane i Polen.

– Eg er framleis fengsla av denne meisterlege forteljinga om hemn og av den sterke hovudpersonen i forteljinga, seier forlagsredaktør Janina Dyballa i Ullstein Buchverlage i ei pressemelding.

Ullstein har frå før skandinaviske krim-kanonar som Jo Nesbø og Camilla Läckberg i stallen.

Les kva Ruth Lillegraven har å seia om poesi og politikarar her!

Lillegraven: – Ei ære

Omslag: Kagge Forlag
Omslag: Kagge Forlag

– Dette er sjølvsagt gledeleg og stort for meg. Det er ei ære å få bøkene utgitt på desse forlaga i selskap med stjerneforfattarar som verkeleg kan seiast å ha gitt verda smaken på skandinavisk krimlitteratur, seier Ruth Lillegraven.

I Alt er mitt møter me Clara og Haavard, eit ektepar på beste vestkant i Oslo. Han er barnelege med familierøter i hovudstaden, ho ein ambisiøs vestlending med jobb i Justisdepartementet. Familiefreden blir kraftig utfordra etter at to drap kastar lange skuggar inn på arbeidsplassane til dei begge.

Oppdatert: torsdag 20. september 2018 14.57

Kommentarar

ANNONSE