Unge menn har tradisjonelt utmerkt seg på dødsstatistikken på norske vegar. No går talet på unge trafikkoffer bratt nedover.
NPK-NTB
NPK-NTB

I fjor var det historisk få dødsulykker på norske vegar. 107 personar mista livet, og det var det lågaste talet på 70 år. Samtidig fell også delen unge trafikkdrepne. I fjor mista 13 unge mellom 16 og 24 år livet i trafikken. I 2008 var talet 67.

Om ein samanliknar perioden frå 2008 til 2012 og åra mellom 2013 og 2017 er talet på trafikkoffer i alderen 16 til 24 år nesten halvert, melder NRK

– Det er ein nedgang på meir enn to tredelar i talet drepne i alderen 15 til 24 år dei siste 15 åra, seier regionvegsjef Helge Eidsnes i Statens vegvesen til NRK.

Han meiner det er mange grunner til den positive utviklinga.

– Betre føraropplæring, ei positiv haldningsendring blant ungdommen og at bilane som unge køyrer er tryggare enn det dei var for 10–20 år sidan, seier han. (©NPK)

LES OGSÅ: Vi er veldig glade i dykk, og har ingen å mista

Oppdatert: onsdag 28. februar 2018 15.11

LES OGSÅ

Kommentarar

ANNONSE