– Eg erkjenner at eg ved fleire høve har utvist for dårleg dømekraft, seier Kristian Tonning Riise.
mm

Kristian Tonning Riise (29) skriv på Facebook onsdag kveld at han trekkjer seg som Unge Høgre-leiar. Riise forklarer avgjerda med at #metoo-kampanjen har vore ein vekkjar, og at han er blitt konfrontert med at medlemar i Unge Høgre har reagert på åtferda hans.

– Eg vil understreka at det ikkje føreligg nokon varslar, og at eg aldri med vilje har forsøkt å oppføra meg ufint mot nokon, men erkjenner at eg ved fleire høve har utvist for dårleg dømekraft og blitt konfrontert med det, skriv Riise i innlegget.

Generalsekretær i Unge Høgre, Maria Barstad Sanner, seier i ein epost til NTB at ho er blitt kontakta av medlemer som har reagert på oppførselen til Riise. Samstudes seier ho at ho ikkje har motteke nokon varslar om ungdomspartileiaren.

– Men dersom nokon likevel har opplevd noko som er ubehageleg eller upassande i Unge Høgre, oppfordrar eg dei til å ta kontakt med meg. Me er ein organisasjon der det skal vera trygt å varsla, seier ho ifølgje VG.

Hamarsingen Krisitan Tonning Riise har vore Unge Høgre-leiar sidan 2014, og hadde eit halvt år igjen av den siste perioden sin som leiar. Sandra Bruflot, som til no har vore 1. nestleiar i ungdomspartiet, fungerer som Unge Høgre-leiar fram til landsmøtet.

Riise sit framleis på Stortinget, der han vart vald inn på fast plass for Hedmark Høgre ved stortingsvalet i 2017.

Metoo-kampanjen har vært en vekker for veldig mange. Det har den også vært for meg. Jeg har hatt hele ungdomstiden min…

Geplaatst door Kristian Tonning Riise op woensdag 10 januari 2018

Oppdatert: fredag 12. januar 2018 20.22

Kommentarar

ANNONSE