– Eg er bekymra for Ap
Ein blanding av jubel og protest fylte salen på Chateau Neuf då NRK sin prognose for valet blei kjend.
Denne artikkelen er eldre enn 1 år gamal. Det betyr at noko av informasjonen kan vere utdatert.
Slik reagerte studentane då dei såg kva veg valet gjekk
– Eg er bekymra for Ap, og så er eg bekymra for at Frp ligg så bra an. Men prognosen til Raudt og SV ser bra ut, seier Emma Jacobsen.
Ho sit i ein fullstappa sal på Chateau Neuf i Oslo for å følgje stortingsvalet. Ti sekund før prognosen var klar kl. 21 stemte salen i kollektiv nedtelling.
– Det blir skikkelig spennande å sjå korleis det blir! seier Trine Anette Fostervold. Korkje ho, Jacobsen eller veninna Guro Clausen var heilt fornøgde med første prognose.
– Men eg har fri i morgon, så eg skal vera på Chateau Neuf lenge! fortel Fostervold.
Få med deg Framtida.no sine live-sendingar frå valkvelden på Facebook-sida vår!
Me har også lagt ut bilete og film på Instagram. Sjå under korleis studentane på Chateau Neuf reagerte på NRK sin første prognose.
