Highasakite har laga ny Eliteserie-hymne
Høyr årets fotballhymne her!
Denne artikkelen er eldre enn 1 år gamal. Det betyr at noko av informasjonen kan vere utdatert.
Saka er henta med velvilje frå Porten.
Når spelarane ruslar spente inn på bana, er det tonane frå Highasakite si nye Eliteserie-hymne som skal runge på stadion
Hymna skal prege både TV-vignettar og promoar, og ikkje minst skal ho fungere som innmarsjmusikken på alle stadionar i Eliteserien.
– Me ønskte ein musikk som skulle gi publikum gåsehus samstundes som han tok med seg verdiane til Eliteserien – lidenskap og fellesskap. Det synest me Highasakite verkeleg har fått til, seier prosjektansvarleg i Fotball Media, Hallbjørn Saunes.
I Sogn har innbyggjarane kanskje eit litt ekstra spesielt forhold til Highasakite sidan dei også stod for kjenningsmelodien til serien «Frikjent», som vart spelt inn i Årdal og Lærdal.
No skal tonane også runge ut mellom fjella i Sogndal på kampdag.
– Eliteserien er eit stort og sterkt merkenamn, og vignetten som har vore i bruk dei siste åra har fått vere med lenge. Det gjer det jo til ei ekstra stor ære i det heile tatt å bli spurt om oppdraget, seier Ingrid Helene Håvik i Highasakite.
Høyr hymna i sin heilskap her:
