Bob Dylan får omsider nobelmedaljen sin i helga
Denne artikkelen er eldre enn 1 år gamal. Det betyr at noko av informasjonen kan vere utdatert.
Bob Dylan får nobelmedaljen
Bob Dylan skal i helga få overrekt nobeldiplomet og nobelmedaljen i Stockholm. Pressa får ikkje vere til stades.
– Møtet blir lite og intimt, og ingen medium kjem til å vere til stades, skriv Akademiens sekretær Sara Danius på sin blogg.
LES OGSÅ: Visesongaren Bob Dylan får Nobelprisen
Noka nobelforelesing vil han visstnok heller ikkje halde, sjølv om forelesinga er påkravd for at Dylan skal få dei 8 millionar svenske kronene som følgjer med prisen.
Akademien har derimot fått beskjed om at dei kan vente seg ein innspelt versjon av eitt eller anna slag, ifølgje Danius.
Dylan er i Stockholm laurdag og søndag for å halde to konsertar.
