– Vestlandsfylket må heite Bjørgvin

Framtida
Publisert
Oppdatert 24.05.2017 16:05

info

Denne artikkelen er eldre enn 1 år gamal. Det betyr at noko av informasjonen kan vere utdatert.

Når Hordaland og Sogn og Fjordane slår seg saman bør storfylket ta namnet Bjørgvin, ikkje Vestlandet, meiner Sogn og Fjordane Mållag.

– Vi er svært nøgde med at nynorsk er vedteke som administrasjonsspråk i den nye regionen, men vi er mindre nøgde med namnet som forhandlingsdelegasjonane er blitt samde om, heiter det i ei fråsegn frå mållaget, skriv Fjordenes Tidende.

BAKGRUNN: Vestlandsregionen blir «Vestlandet»

Dei viser til at namnet Vestlandet er både fantasilaust og historielaust, medan namnet Bjørgvin finst i skriftlege kjelder frå 1349 og i andre former av namnet frå endå lenger tilbake. 

– Eit namn som har overlevd Svartedauden er godt kvalifisert til å bli namnet på den nye regionen, heiter det i fråsegna.

LES OGSÅ: Hordaland + Sogn og Fjordane = Nynorsk

Intensjonsavtalen om samanslåing skal opp til politisk handsaming i fylkestinget i Sogn og Fjordane 2. februar og i Hordaland 3. februar.

Les alt om samanslåingsdebatten på Vestlandet her!