Illustrasjonsfoto: Flickr/Justin De La Ornellas/CC-BY-SA
Varmaste september på 116 år
Årets septembermånad var den varmaste sidan 1900, ifølgje Meteorologisk institutt. Aller mildast har det vore sør i landet.
Denne artikkelen er eldre enn 1 år gamal. Det betyr at noko av informasjonen kan vere utdatert.
Særleg Vestlandet har hatt enkeltdagar med svært høge temperaturar, og både Bergen og Stavanger har hatt nye maksimumstemperaturar.
– Begge byane har hatt høgare middeltemperatur i september enn i juli, seier vakthavande meteorolog Terje Alsvik Walløe ved Meteorologisk institutt til NTB.
– Det har jamt over vore mykje sørlege vinder som har ført med seg varm luft frå sørlege breiddegrader. Det har nesten ikkje vore nokon nordavind i september i år i det heile tatt, forklarer meteorologen.
Annonse
