Veka oppsummert i åtte tweets
Frå Brexit via sokkevask til svartedauden. Her er dei seks løgnaste tvitane du gjekk glipp av frå nynorsk-Twitter denne veka – med to bonusspor frå bokmålstwitter!
Denne artikkelen er eldre enn 1 år gamal. Det betyr at noko av informasjonen kan vere utdatert.
Mikrobloggtenesta Twitter er kjent og kjær for mange av oss som ein arena for meiningsutveksling, nyhende, deling av lenker – og ikkje minst humor. Frå bitande satire via tørre ordspel til absurd komikk er Twitter full av moro. Me har samla nokre godbitar frå dei siste dagane, som har vore prega av fotball-EM, «Brexit» og kvardagslivet som går sin vante gang.
– 23. juni 2016:
Storbritannia går ut av EU og inn i den nye storkommunen Nordhordland: "BreManger"— Kari Fosse (@Knutsdotter82) 23. juni 2016
Spåkona Kari såg ein lukkeleg slutt både kommunereforma og «Brexit»-avrøystinga.
Ufatteleg pompøst av Kirkenes å ha eit eige «verdensråd». Og kvifor halde møtet i Trondheim? #Finnmarksimperialisme https://t.co/itJ4GxSrd6
— NilsHenrikSmith (@NilsHenrikSmith) 22. juni 2016
Finnmarkingane planlegg verdsherredøme, og ingen gjer noko med det?
Det slår meg nett at nynorskordboka er på 1478 sider og har over 90 000 oppslagsord, og at andre folk sit og ser på fotball.
— ofs ofs baby (@ofseleg) 21. juni 2016
Kva skal ein med fotball-EM når ein har nynorsk?
Fridtjof Nansen tar imot ekspedisjondeltakarane medan dei stig ombord:
– jaja, du fant Fram?
– men for helvete Nansen, da er 6. gongen no.— Tirill Heimdal (@TirillHeimdal) 21. juni 2016
Nasjonalhelten hadde sans for humor.
Det verste eg veit er julebrus som ikkje er brygga i det polske brusdistriktet Julębrusz. Har ikkje EU reglar imot slikt?
— Martin Årseth (@MartinArseth) 20. juni 2016
Gi meg ekte vare eller gi meg ingenting.
Mogleg eg er litt kontroversiell her, men somme tider når eg vaskar klede så sit eg att med eit umake tal sokkar
— Torbjørn utan h (@TBadekar) 23. juni 2016
Endeleg nokon som tar bladet frå munnen og ikkje legg nokon ting imellom.
england: det er kulere utenfor eu
*går ut av eu*
*møter norge*
norge: one beer million dollars have you heard of janteloven
england: faen— Basil Maarud (@Basilmaarud) 24. juni 2016
Graset er ikkje alltid grønare på den andre sida.
1349. Mørke skyer. Et skip legger til kai. Det er Andersens cabincruiser. Den peneste av rottene tar av seg sin bh. En stank i luften
— naturgutten (@kaffekjele) 20. juni 2016
Det var sommar, det var sol. Og det var svartedaud.
