Varslar supermåneformørking

Framtida
Publisert
Oppdatert 24.05.2017 16:05

info

Denne artikkelen er eldre enn 1 år gamal. Det betyr at noko av informasjonen kan vere utdatert.

Månen går nemleg i ein avlang bane rundt jorda, og måneskiva ser dermed litt større ut når han er på det nærmaste, ein «supermåne».

Det er ikkje så sjeldan at månen er «super» – tre gonger berre i 2015 – men det er ikkje kvardagskost at dette fell saman med ei totalformørking. Den neste supermåneformørkinga kjem først i 2033, men den kan vi ikkje sjå i Noreg, fortel astronominettstaden Himmelkalenderen.

LES OGSÅ: Siste nytt frå verdsrommet

Den førre totale måneformørkinga i Noreg var 10. desember i 2011, og den neste kjem i 2018, men den kan dei berre sjå i Nord-Noreg.

Måndag 28. september klokka 3.07 byrjar månen sakte å gli inn i jordskuggen til han er heilt dekt klokka 4.11. Heilformørkinga varer i over ein time, og klokka 5.24 kjem månen litt etter litt fram igjen i lyset. Fenomenet er over klokka 6.27.

Timen før og etter er månen dessutan i halvskuggen frå jorda, men desse før- og etterfasane er det ikkje fullt så lett å sjå effektane av.

Ei måneformørking oppstår når sola, jorda og månen står heilt på linje i verdsrommet, slik at den solopplyste månen kjem inn i skuggen frå jorda og blir mørklagt. Månen blir ikkje kolsvart, men får eit meir dunkelt, gjerne raud- eller oransjefarga skjer. Somme kallar det blodmåne. (©NPK)