Over Haukelifjell vart vegen stengt 1. juni – grunna snø og kraftig vind.

Randi Berdal Hagen, Vest-Telemark Blad
Randi Berdal Hagen, Vest-Telemark Blad

Det er ingen grunn til å finne fram badeshortsen i Øvre Telemark enno. På Haukelifjell snødde det så mykje at E134 måtte stenge måndag morgon. Haukeliseter fjellstove meldte på Facebook om sterk kuling i tillegg til snøen, noko som fekk konsekvensar for skulebarna:

– Skulebussen blåste av vegen, så dei fastbuande fjellbarna jubla for heimeskule.

Håkon Aarthun på Haukeliseter fortalde like før VTB gjekk i trykken måndag at det framleis blåste godt på fjellet.

– Dei opnar kanskje vegen om ein time. Det føyker mykje, seier han.

Men han ser det positive i at det snødde og blåste stiv kuling 1. juni:

– Det er i alle fall ikkje mygg her, humrar han.

LES OGSÅ: Må endre definisjonen på normalt vêr

Oppdatert: onsdag 24. mai 2017 16.01

LES OGSÅ

Kommentarar

ANNONSE