Millionar brukt på dataspel få kan bruka
Tre millionar blir øyremerka spelkjøp til norske bibliotek – men mange bibliotek har for dårlege maskiner til å bruka spela.
Denne artikkelen er eldre enn 1 år gamal. Det betyr at noko av informasjonen kan vere utdatert.
Pressfire skriv om «innkjøpsordninga for spel» – eit nytt tilbod som gir biblioteka tilgang til 17 norske spel, som biblioteka sjølv kan bestilla på heimesidene til Norsk filminstitutt (NFI), som står bak prosjektet.
LES OGSÅ: Bør norsken kuttast frå dataspel?
Prosjektet har møtt mange utfordringar – mellom anna at distribusjonen blir gjort digital, og derfor ikkje kan lånast ut til publikum så dei kan ta med seg spela heim.
Derfor, skriv Pressfire, må spela lastast ned og spelast på sjølve biblioteka – men mange av biblioteka har ikkje utstyret som trengst. Dei fleste bibliotek har maskiner som er laga for kontorarbeid, ikkje speling.
Bibliotekkonsulent hos Bergen offentlege bibliotek filial Oasen, Lasse Juan Cortes Jørgensen, har tru på prosjektet, men foreslår ei anna løysing til Pressfire – at brukarane får høve til å ha spela installert på eigne maskiner i ein avgrensa periode.
Hensikten med prosjektet er å støtta kvalitetsspel for vaksne, barn og unge, samt å styrka det norske spelefeltet. Nokre få bibliotek i Noreg er klare for å prøva ut ordninga – til dømes Deichmanske i Oslo og biblioteket i Fredrikstad – og det er 17 norske spel på lista.
LES OGSÅ: Speler data for Nepal
Faktaboks
Desse spela er med i innkjøpsordninga for spel:
Ditt eventyr
Elleville Elfrid
Elleville Elfrids sommereventyr
Elleville Elfrids vinterleker
Gametracer
Tainted Keep
Vennebyen
QuizDan
Vinter i Blåfjell
Bukkene Bruse
Teslagrad
Hokus Pokus Albert Åberg
Drømmefall: Kapitler
Kaptein Sabeltann på nye tokt
Shadow Puppeteer
Among The Sleep
Hogworld
