Det blei ein lattermild siste arbeidsdag på Sunde skule for Frode Gaasdal, for på avskjedskaka stod det ein litt annan beskjed enn rektor Einar Opdal hadde tenkt.

Mona Grønningen, Kvinnheringen
Mona Grønningen, Kvinnheringen

Saka var først publisert i Kvinnheringen. 

Som ein koseleg gest hadde Opdal kjøpt ei kake til Gaasdal sin siste arbeidsdag ved skulen. Men då eska med kaka i blei opna på bordet blei det mykje latter. «Takk for god innsats. Lykke til i New York.» stod det på kaka – det skulle stått «Lykke til i ny jobb».

– Eg snakka kanskje litt fort og uklart då eg la inn bestilling. «Ny jobb» kan nok høyrast ut som «New York», ler Opdal.

LES OGSÅ: «Kvil i fred på begge sider» 

Frode Gaasdal har vore nesten 15 år ved Sunde skule. 1. mars tar han over rektorstillinga på Valen skule etter Steinar Haugan. Gaasdal syntest kakeglippen var så morosam at han måtte dela bilde på Facebook.

– Når Sunde-folk reiser utanfor bygda så er vel det det same som å dra til det store utland uansett, kanskje det var grunnen til teksten, kommenterer Gaasdal lattermildt.

Ingen sure miner på grunn av kakeglippen, altså.

LES OGSÅ: Bestilte to kaker – fekk éi med denne teksten

Oppdatert: onsdag 24. mai 2017 15.59

LES OGSÅ

Kommentarar

ANNONSE