Sviktande besøk på norske kinoar i sommar
Denne artikkelen er eldre enn 1 år gamal. Det betyr at noko av informasjonen kan vere utdatert.
Administrerande direktør Lene Løken i Film og Kino har merka seg dei svake besøkstala og meiner det er to årsaker til nedgangen.
LES OGSÅ: Jan Roar Leikvoll er død
– Den eine er at det har vore fantastisk fint sommarvêr, og at mange har føretrekt å vere ute framfor å sitje i kinosalen. Den andre, og det viktigaste, er at dei såkalla blockbusterane har svikta heilt. Ingen av storfilmane frå Hollywood har levert som forventa i Noreg, og i USA har det vore ein katastrofal julimånad, seier Løken til NTB.
Før var juli bra
Tidlegare har juli vore ein god månad for kinoane i Noreg.
– Dei store publikumsdragarane vert sleppte i USA i juli når det er skulefri. Dei siste åra har vi hatt gode julimånader fordi digitaliseringa gjer at vi raskt kan få desse filmane til Noreg, seier ho. (©NPK)
LES OGSÅ: Vil du ha hen?
