FN vil ha fotballspelarar ut av skapet
– Eg oppmodar spelarar til å erklæra legninga si utan frykt, sa toppdiplomaten Navi Pillay på eit arrangement i helga.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Kom ut av skapet!
FN sin toppdiplomat Navi Pillay seier at det er einaste måten seksuelle legningar vil bli akseptert på, skriv pinknews.com. Ho kom med oppmodinga på eit SN-arrangement for likskap i idretten denne helga.
– Dei er rollemodellar, og det er viktig å senda ein beskjed til fansen, sa Pillay vidare.
LES OGSÅ: – Du treng ikkje vere skeiv for å skeive
Fleire kjem ut
Både den tidlegare Leeds United-spelaren Robbie Rogers og den tidlegare tyske landslagsspelaren Thomas Hitzlsperger kom ut som homofile i fjor, og i mai kom Michael Sam ut som homofil, den første amerikanske fotballspelaren i NFL nokonsinne.
LES OGSÅ: Skeivt blikk på ny kvardag.
– Det er ei aukande openbaring om at å kjempa mot diskrimineringa krevjer meir enn overfladiske tiltak som ikkje endrar haldningar eller tek tak i dei grunnleggande årsakene til ulikskapen, sa Pillay.
LES OGSÅ: KrFU-leiar opnar for homofilt ekteskap.
Er du einig med diplomaten? Ta diskusjonen her, eller på Facebook!
