Klagar inn iCloud-vilkåra til Apple
Forbrukarrådet meiner vilkåra for skylagringstenesta iCloud gjer brukarane tilnærma rettslause.
![](https://framtida.no/wp-content/uploads/2023/09/Framtida-logo-160x160.png)
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
– Gjer brukarane rettslause
Ein stor gjennomgang som Forbrukarrådet gjorde i vinter av ei rad nettbaserte lagringstenester, viste at vilkåra i den 8.600 ord lange teksten blant anna innebar at Apple sjølv kan avslutte brukarkontoane utan å oppgje grunn eller varsle på førehand, noko som kan føre til tap av viktige data for brukarane.
– Apple gir seg sjølv fridom til når som helst å endre vilkåra for bruk av lagringstenesta og etterlét med det brukarane tilnærma rettslause, seier fagdirektør Finn Myrstad i Forbrukarrådet til Aftenposten.
Forbrukarrådet meiner at vilkåra er einsidige og bryt med både norsk og europeisk lov og har difor klaga inn datagiganten for Forbrukarombodet.
Apple ønskjer ikkje å kommentere saka.
Det er ikkje første gongen at Forbrukarrådet klagar inn Apple. I 2009 måtte Apple gje etter i saka om kopisperrer på nedlasta musikkfiler frå iTunes, og vart nøydde til å fjerne sperra. (©NPK)