Festivalsjef Trude Storheim er nøgd med årets festival, og rapporterer om godt med publikum alle dagar.

Terje Hjartnes, Avisa Hordaland
Terje Hjartnes, Avisa Hordaland

Tala var rett nok ikkje klare måndag, men Storheim hadde sikta over det store biletet.

Ungt publikum
– Fredagen var uvanleg godt besøkt. Stein Torleif Bjella og Side Brok trekte bra med folk, og det er kjekt å sjå at Side Brok framleis trekkjer så ungt publikum. Me hadde som mål å få ut meir folk fredagen, og generelt eit yngre publikum i år. Me lukkast med begge delar, sa ho under pressetreffet sundag føremiddag.

– Me hadde betre forsal enn tidlegare, og det var stort sett godt besøk under alle konsertane. Me hadde bevisst litt meir luft i programmet i år enn i fjor, og ser ut til å nå måla våre både kva gjeld både besøk og økonomi, oppsummerer Storheim.

– Det meste på skinner
Ho rapporterer elles at det meste har gått på skinner.

– Utanom eit piano som rauk mellom laurdagen og sundagen, har det gått utruleg knirkefritt.

For Storheim sjølv var tingingsverket med Mats Eilertsen det store musikalske høgdepunktet, i tillegg til dei andre festivalproduksjonane som til dømes Polyostinat med Ivar Kolve. Ho er også særs nøgd med å samarbeida med Liv Bernhoft Osa om førestillinga på Sævelid.

Les saka i Avisa Hordaland!     

Oppdatert: onsdag 24. mai 2017 15.51

LES OGSÅ

Kommentarar

ANNONSE