Vann ny pris for musikkvideoar

Beste norske musikkvideo

– Dette er sjukt kult, sa vokalist Ivar Bowitz i takketalen frå scena då vidFlow Music Video Awards blei arrangert i Oslo for aller første gong.

Videoen har fått mykje merksemd òg internasjonalt og er regissert av André Chocron som sjølv stakk av med prisen Young Taylor Award som blir til gjeve unge talent som har gjort noko spesielt for visualiseringa av musikk.

Prisen for årets regissør vart delt ut av Magdi Ytreeide Abdelmaguid og Chirag Patel i Karpe Diem. Vinnaren vart Kava Singh som har regissert videoar for nettopp Karpe Diem, men òg Nico og Vinz og fleire kjende norske artistar.

Juryen grunngav valet sitt med at Singh med sine eksepsjonelle ferdigheiter når det gjeld lys, fargar og kjensler, klarar å få sjølv Grorud til å framstå som ein eksotisk metropol. 2013 markerte året han for alvor fekk grep på visuell historiefortelling.

Heiderspris til RayKay
Ikkje overraskande stakk Ray Kay av med heidersprisen, Taylor Award. Juryen trekkjer fram at Ray Kay, allereie med dei første videoane sine, la lista så høgt at det tok resten av Noreg fleire år å ta igjen. Ray Kay var ikkje til stades i Oslo i går, men helste frå LA.

– Eg håpar denne prisen vil vere til inspirasjon for mange framover.