Beheld bortebuarstipendet
Denne artikkelen er eldre enn 1 år gamal. Det betyr at noko av informasjonen kan vere utdatert.
– Nokre studentars misbruk skal ikkje gå ut over det store fleirtalet av studentar som er ærlege, seier kunnskapsminister Kristin Halvorsen i ei pressemelding frå Departementet.
Nyleg melde norske medier at Lånekassen vurderte å kutte bortebuarstipendet på grunn av utstrakt misbruk.
LES OGSÅ: Fleire tener for mykje til å få stipend
Ingen endringar
Kunnskapsministeren avkreftar at det er aktuelt å gjere endringar i dagens støtte til studentar som ikkje bur saman med foreldra sine. Desse har i dag rett til å få deler av utdanningslånet sitt omgjort til stipend etter bestått eksamen.
Lånekassens sin bokontroll synte at 4,5 prosent av dei kontrollerte studentane ikkje kunne dokumentere at dei budde borte i studieåret 2011-2012. Lånekassen kan ha blitt svindla for 72 millioner kroner førre studieår.
– Misbruk av utdanningsstipendet er uakseptabelt og det er viktig at de som gjev uriktige opplysningar for å få stipend vert oppdaga, seier kunnskapsministeren.
LES OGSÅ: – Studielånet er underregulert
Grove tilfelle politimeld
Kunnskapsdepartementet vil vurdere tiltak for å få bukt med problemet. Det er allereie sett i verk informasjonstiltak i Lånekassen der konsekvensane av å misbruke stipendordninga vert tydeleggjort. Studentar som misbruker ordningane kan verte fråteke støtta, miste rett til framtidig støtte, og i ekstra grove tilfelle verte meld til politiet.