Fotballgutar truga på livet
Denne artikkelen er eldre enn 1 år gamal. Det betyr at noko av informasjonen kan vere utdatert.
Det afghanske fotballaget Faryab United blei ein gjengangar i norske aviser då dei var med under Norway Cup i 2009 og 2010. No blir gutane truga på livet i heimlandet på grunn av deltakinga.
Leiar og talsmann for fotballaget, Haji Naqib, fortel at det er bilete av gutane lagt ut på Internett som skapar problem.
LES OGSÅ: Lang veg til demokrati
– I Noreg blei vi kontinuerleg eksponerte i media. No har sentrale opprørarar i Faryab-provinsen i Afghanistan både namn og bilete av ungdommane som var på besøk, seier han til VG.
Naqib meiner Forsvaret, som stod for regien rundt opphaldet, var opphengt i mediemerksemda og reklame for seg sjølv. No blir familien hans og fleire av gutane truga kvar dag av lokale opprørarar og Taliban-vennlege afghanarar. Etter det VG fortel har også barneombodet overfor Forsvaret streka under moglege negative konsekvensar for barna.
LES OGSÅ: Mugabe møter mystisk motstand
Talet på valdshandlingar i området har auka mykje etter at norske soldatar trekte seg ut av området i oktober 2012.
Pressetalsmann i Forsvaret, Gjermund Eide, seier Forsvaret ikkje kjenner seg att i kritikken. Han peikar på at deltakinga har ført til mykje positivt for gutane og at dette blei støtta av dei lokale styremakta i Afghanistan.
LES OGSÅ: Vend heim
