Vil vurdere tiggeforbod
Denne artikkelen er eldre enn 1 år gamal. Det betyr at noko av informasjonen kan vere utdatert.
Riksadvokaten vender tommelen ned for regjeringsframlegget om meldeplikt. Både politimeistrane i dei største byane og Politidirektoratet vil ha eit tiggeforbod. No får dei langt på veg støtte av Riksadvokaten i ei høyringsfråsegn om forslaget til endringar i politilova, skriv Aftenposten.
– Lovframlegget ber preg av at ein ønskjer å gjere noko med situasjonen, men utan at ein tar steget fullt ut ved å forby tigging, heiter det i fråsegna.
Etter lovframlegget skal politiet avgjere når og kor det skal vere lov å tigge, og skal registrere tiggarane. Det trur Riksadvokaten kan råke ein del innsamlingsaksjonar, til dømes Operasjon Dagsverk.
LES OGSÅ: – Tiggarar er ikkje kriminelle
– For politiet er det sjølvsagt mykje lettare å handheve eit forbod mot tigging, heiter det. Riksadvokaten meiner føresetnadene for å opphevinga av lausgjengarlova i 2006 kan vere endra, og at vi igjen bør vurdere å forby tigging. (©NPK)
Bør tigging gjerast ulovleg i Noreg? Kva meiner du?
