Forfattar i magen?
Er du mellom 15 og 18 år og glad i å skrive? Då kan du bli med på gratis skriveleir i sommar.
Denne artikkelen er eldre enn 1 år gamal. Det betyr at noko av informasjonen kan vere utdatert.
Foreningen Norden inviterer ungdom frå heile Norden til skriveleir i Sverige i sommar.
Leiren går av stabelen i slutten av juli, på folkehøgskulen til Foreningen Norden på Biskop Arnö i Sverige. Over fem dagar kan deltakarane få hjelp av profesjonelle til å utvikle skrivinga si.
Skulen har drive med skrivekurs og litterære seminar i femti år, og etablerte forfattarar som Karl Ove Knausgård har tidlegare delteke, ifølgje nettsidene til Foreningen Norden.
Deltakarane blir plukka ut på grunnlag av ein innsendt tekst. Fristen er 30. april.
©NPK
