Kina sender si første kvinne til verdsrommet
Ei kvinne er blant dei tre kinesiske taikonautane som laurdag reiser frå jorda med romskipet Shenzhou-9.
Denne artikkelen er eldre enn 1 år gamal. Det betyr at noko av informasjonen kan vere utdatert.
Første kvinnelege taikonaut
Det er første gong at Kina sender ei kvinne til verdsrommet. Liu Yang er 33 år, og ho har den siste tida fått omfattande omtale i kinesiske media.
Romskipet vil ta av laurdag føremiddag frå ein base i Gobi-ørkenen. Det er fjerde gong at Kina sender ut eit bemanna romskip.
– Kvinner held oppe halve himmelen. Menneskelege romferder utan kvinner er ufullstendige, sa ei talskvinne for det kinesiske romfartsprogrammet i ein kommentar.
Både USA og det tidlegare Sovjetunionen har sendt ut romskip med kvinnelege astronautar og kosmonautar. (©NPK)
Les òg: Kvinnene motbeviser kjønnsmytene
Faktaboks
Taikonaut:
Taiko er det kinesiske ordet for verdsrommet,
Naut er det greske ordet for seglar.
