Jaktar på filmtalent i Noreg
Harald Zwart jaktar på nye, norske filmtalent under bransjearrangementet The Gathering på Hamar.
Denne artikkelen er eldre enn 1 år gamal. Det betyr at noko av informasjonen kan vere utdatert.
Jaktar på filmtalent i Noreg
Kvart år brukar fleire tusen unge spel- og dataentusiastar påsken på The Gathering – det største datatreffet i landet.
Arrangementet har gjennom 20 år vore eit nettverk for unge spirer innan data, spel og film.
No ønskjer den norske stjerneregissøren å gjere ekstra stas på eitt av dei mest lovande talenta.
Den heldige vinnaren av «Best Direction Award», ein regikonkurranse i regi av The Gathering, får ein draumedag i Hollywood, fortel arrangørane.
Vinnaren vil bli plukka opp av Harald Zwart på flyplassen i limousin. Deretter følgjer ei omvising på filmsettet til den norske regissøren, der vinnaren får sjå korleis film blir laga i storskala.
– Som ein ekte filmregissør får det unge talentet ein eigen regissørstol på settet, heiter det vidare.
– Eg ønskjer å inspirere og stimulere endå meir det kreative miljøet på The Gathering, som har fostra mange nye talent. Eg har mykje å lære av desse unge talenta, seier Harald Zwart.
Vinnaren av «Best Direction Award» blir kåra på The Gathering neste år. (©NPK)
LES OGSÅ: Knusar mytar om dataspeling
