Unge jenter vel farleg i trafikken
Dei sit på med fyllekøyrarar, er med på kappkøyring og droppar bilbeltet.
Denne artikkelen er eldre enn 1 år gamal. Det betyr at noko av informasjonen kan vere utdatert.
Mange 16 år gamle jenter utset seg for stor fare i trafikken.
Overraskande mange
Det kjem fram i to spørjeundersøkingar gjort av Trygg Trafikk i åra 2008-2010. Her deltok det til saman 1091 jenter som akkurat hadde meldt seg inn i Jentenes trafikkaksjon. På det tidspunktet var dei 16 år gamle.
LES OGSÅ: – Bilen må ta rattet frå menneska
– Dette er jenter som syner interesse for trafikktryggleik. Me er difor overraska over kor mange som har opplevd farlege situasjonar på vegane, seier prosjektleiar Siri Persheim Kola i Trygg Trafikk.
Skremande tall
Ein eller fleire gongar dei siste 12 månadene har:
9 prosent av jentene site på med ein sjåfør som har drukke alkohol.
2,4 prosent site på med ein bilførar påverka av narkotika.
34 prosent ikkje brukt bilbelte i framsetet.
52 prosent ikkje brukt belte i baksetet.
20 prosent vore passasjer når det har vorte kappkøyrt med bil.
I tillegg fortel 61 prosent at dei i løpet av livet har opplevd at nokon dei kjenner godt er skadd i ei trafikkulukke.
Eit stor problem
– Tala for alkoholpåverka køyring er svært høge. Dette kan vera eit stort problem i mange ungdomsmiljø, seier Persheim Kola.
LES OGSÅ: Krev fartssperre og alkolås
Til samanlikning synte ei undersøking av 9000 norske bilistar i 2008-2009 (Folkehelseinstituttet/TØI) at 0,3 prosent køyrde i alkoholpåverka tilstand. Narkotiske stoff vart påvist hjå to prosent av sjåførane.
– Me vart også overraska over kor mange som ikkje brukar bilbelte. I Noreg ligg bruksprosenten på over 90. Det er difor skremande at så mange ungdommar sit usikra i bil, seier prosjektleiaren.
