Her er delfinalistane

Her er del- finalistane

I dag blei dei siste 12 artistane i neste års norske Melodi Grand Prix-finale presentert, og bandet The Lucky Bullets håpar nå å ta Melodi Grand Prix med storm.

– Det finst ikkje nokon større happening enn Melodi Grand Prix. Her kan me visa Noreg og Europa kva musikk betyr. Men me er først og fremst med for å spela sokkane av folket, fortel Knud Kleppe alias «Tank Harvey» i bandet.

Historia om The Lucky Bullets starta ein dag i 2006 på ein bar på Grünerløkka i Oslo, der Tank Harvey stod bak disken. Han kom i prat med Svein Åge Lillehamre som nå kallar seg «Jimmy Dapper», og dei bestemte seg for å starta eit rockabillyband.

Heftig låt
Seinare kom også Stian Nybru alias «Ace Dynamite» frå Vikedal med i bandet, saman med Even Lundquist alias «Butch Comet». Den utflytta vikedalsbuen spelar kontrabass i bandet.

Bandet er kjenneteikna av spegelblanke hårstrå og spisse sko, og har reist rundt land og strand. Allereie det første året dei spelte, blei dei tatt varmt imot av Europas hepcats- og hillbillyscener. Her heime har dei blant anna spela under by:Larm, og i vår la dei siste finpuss på sitt første album.

Nå er dei klare for delfinalen i Skien i slutten av januar med den ville rockabillylåten «Fire below».

– Låten handlar om flammer, damer, heite drinkar og tronge gater, opplyser Tank Harvey.

LES SAKA I GRANNAR.NO!