Studentane vender regjeringa ryggen
Denne artikkelen er eldre enn 1 år gamal. Det betyr at noko av informasjonen kan vere utdatert.
Nest størst i måling
På ei meiningsmåling som Sentio har gjort på oppdrag for Norsk Studentorganisasjon (NSO) og Universitetet i Oslos universitetsavis Universitas, gir berre 17 prosent si støtte til Høgre, ned frå 21,7 prosent i fjor haust og 31,8 prosent våren 2013.
– Desse tala er altfor dårlege, og vi tar svara på det største alvor, seier Høgre-representant Henrik Asheim til nettavisen Khrono.
LES OGSÅ: Større offentleg sektor med Høgre
Arbeidarpartiet fossar fram
Framstegspartiet har falle frå 10 til 6 prosent oppslutning i det siste året. Arbeidarpartiet fossar på si side fram, og blant studentane er det også ein oppsving frå november i fjor. Partiet aukar frå 23,9 til 28,3 prosent no.
Miljøpartiet Dei Grøne er det nest mest populære partiet blant studentane i landet, og får ei oppslutning på heile 19,6 prosent, opp 4,9 prosentpoeng frå i fjor.
LES OGSÅ: Venstre løftar nynorsken i Statsbudsjettet
Venstre fekk 10,3 prosent
For dei andre partia er oppslutninga slik: KrF 3,8, Raudt 3,0, Sp 4,3, SV 6,6, Venstre 10,3 og andre 1,1. Veit ikkje-svar utgjorde heile 19 prosent, men er ikkje tatt med i tala for partia.
Utvalet i Sentios såkalla webpanel består av 1.000 studentar over 18 frå Noreg. (©NPK)
Are Kalvø oppsummerer eitt år med blåblå regjering: Ta den, regjeringa!
