– Nominér unge til Stortinget
Gunn Karin Gjuul (Ap) vil gje plass til 22. juli-generasjonen.
Denne artikkelen er eldre enn 1 år gamal. Det betyr at noko av informasjonen kan vere utdatert.
AUF-leiar Eskil Pedersen og stortingsrepresentant Gunn Karin Gjuul seier til NRK at Arbeidarpartiet må tenkja ungt i nominasjonane til valet i 2013.
Gunn Karin Gjuul har representert Arbeidarpartiet Stortinget i 20 år, men neste år seier ho nei til renominasjon for å gjere plass til 22.juli-generasjonen.
AUF-leiar Eskil Pedersen oppfordrar fleire fylke til å nominere ungdom på sikker plass når nominasjonane startar rundt om i partiet.
LES OGSÅ: Lettare for SV- og KrF-leiarane
– Ungdom har vist veg i tilhøve til bodskapane til statsministeren om meir demokrati. Dei har engasjert seg for mangfald og rettferd, og har vist at dei trengst òg i den øvste folkevalde forsamlinga til landet, seier Pedersen til AUF.no.
Sist stortingsval var det ein lite auke i talet på listekandidatar under 30 år og under 40 år, i høve til valet i 2005. Men gjennomsnittsalderen på stortingsrepresentantane gjekk likevel ikkje ned med meir enn knapt fire veker, og enda på 46,2 år då Stortinget opna.
