Fredsprisen til Malala
Denne artikkelen er eldre enn 1 år gamal. Det betyr at noko av informasjonen kan vere utdatert.
Fredsprisen går til Kailash Satyarthi og Malala Yousafzay for deira kamp mot undertrykking av born og unge og for alle born sine rettar til å gå på skule.
LES OGSÅ: – Korleis turde du, når du var så ung og Taliban var så farlege?
Tidenes yngste
Malala Yousafzay er ei 17 år gamal jente frå Pakistan som, trass alderen, allereie har jobba lenge mot undertrykking av born og unge. For dette vart ho skoten i hovudet og halsen i 2012. Med det er Malala tidenes yngste vinnar av fredsprisen.
Ho har allereie vunne Fridomsmedaljen frå det amerikanske National Constitution Center, samt fleire andre utmerkingar.
Kailash Satyarthi er ein mann som har stått fremst i kampen mot barnearbeid, sa Jagland etter utdelinga. Den indiske aktivisten er 60 år gamal, og er leiar av organisasjonen Bachpan Bachao Andolan. Organisasjonen har ifølgje Wikipedia redda over 80 000 born frå barnearbeid.
LES OGSÅ: Vil stogge barneekteskap
