Askepott blir digitalisert
Neste jul kan du sjå Askepott, Jurášek og Rozárka i klarare fargar og skarpare bilete.
Denne artikkelen er eldre enn 1 år gamal. Det betyr at noko av informasjonen kan vere utdatert.
Den tsjekkiske juleklassikaren «Tre nøtter til Askepott» skal digitaliserast.
Filmen er ein av ti tsjekkiske filmar som får EØS-midlar til digitalisering. Dei ti filmane vart valt frå ei liste på 200 tsjekkiske filmskattar. Noreg bidreg med 7,3 millionar kroner til digitaliseringsprosjektet, melder Regjeringa.
LES OGSÅ: Show i tunnelen
Den tsjekkoslovakisk-austtyske filmen «Tre nøtter til Askepott», eller «Tri orísky pro Popelku» som han heiter på originalspråket, er ein del av juleritualet for mange nordmenn.
– Det er fantastisk at Noreg og Tsjekkia deler denne filmen som ein del av vår felles kulturarv, seier prosjektleiar Anna Batistova ved det tsjekkiske filmarkivet.
I dag er filmen lagra på fem tunge filmrullar, som til saman er to kilometer lange.
Negativa skal reinsast, pussast, reparerast og digitaliserast.
– Den digitaliserte versjonen kjem til å skape ei heilt ny oppleving for sjåarane, og vil liggje tett opp til korleis filmen var ved premieren i 1973, lovar Batistova.
LES OGSÅ: Deler sine beste julegåvetips
