www.gratulerermeddagen.com
Kor mykje kan du om jubilanten World Wide Web og det som rører seg omkring på internett?
Denne artikkelen er eldre enn 1 år gamal. Det betyr at noko av informasjonen kan vere utdatert.
I dag er det 30 år sidan den britiske CERN-vitskapsmannen Tim Berners-Lee la fram skissa for det som skulle verte World Wide Web.
Det som var tenkt som ein betre og meir effektiv måte å handtere og utveksle informasjon mellom vitskapsmenn på universitet og institutt verda over, enda opp som noko mykje større: ein plass der vi kan leggje ut bilete av oss sjølve på skitur.
Quiz: Kor mykje kan du om den vide verdsveven?
- Spørsmål 1 av 8
1.
Vi startar med det aller viktigaste først: Kor tid vart det lov å skrive Internett med liten i?
Korrekt! Om du gjev deg no så vil du har 100 prosent rett på denne kvissen. Kanskje noko å vurdere?
Dette startar dårleg: Feil. Det har vore valfritt å skrive internett med anten stor eller liten i sidan 2015. Internett har fått frå å vere eit særnamn med stor i til å verte sett på som eit samnamn på linje med fjernsyn og radio, og dermed også med liten i, så no kan du velje sjølv.
- Spørsmål 2 av 8
2.
Den mest besøkte nettsida globalt, er Google. Men kva er den mest populære nettsida i Russland, ifølgje Alexa? (Ifølgje oppdatering per oktober 2019)
Googla du svaret? For rett er det i alle fall. Google er den store vinnaren i Russland òg! Tidlegare har det vore Youtube, men videoplattformen har falle til tredjeplass. Russisk Facebook: VK.com kjem på andre plass, og søkemotoren Yandex.ru på fjerde.
Bra du ikkje juksar med å google svaret! For du fekk feil. Google er den store vinnaren i Russland òg! Tidlegare har det vore Youtube, men videoplattformen har falle til tredjeplass. Russisk Facebook: VK.com kjem på andre plass, og søkemotoren Yandex.ru på fjerde.
- Spørsmål 3 av 8
3.
Youtube er den andre mest besøkte nettsida på internett, globalt. Men kva var den første filmen som vart lagt ut på plattforma?
Korrekt. Videoen vart lasta opp 23. april 2005, og syner Youtube-grunnleggjar Jawed Karim framfor elefantinngjerdinga i dyreparken. Om han visste at 64 millionar personar kom til å sjå videoen hadde han kanskje sagt noko anna enn at «det kule med desse karane er det at dei har skikkeleg skikkeleg skikkeleg lange snablar».
Du står tydelegvis ikkje bak ein av dei 64 millionar avspelingane videoen har, for du svara feil. Den første videoen på Youtube vart lasta opp 23. april 2005, og syner Youtube-grunnleggjar Jawed Karim framfor elefantinngjerdinga i dyreparken.
- Spørsmål 4 av 8
4.
Kva heitte det første allmenne sosiale nettmediet i Noreg, som seinare vart utkonkurrert av Facebook?
Blinkskot! Fredrik Kristiansen var hjernen bak Dagbladet sin plattform Blink. Det vart difor litt av ein brudulje då han nokre år seinare gjekk til konkurrenten VG for å utvikle Nettby. Særleg sidan Nettby viste seg å verte endå meir populært, og på det meste kunne skryte av 800 000 besøkjande. Men til slutt måtte også Nettby gje tapt for Facebook.
Der bomma du på blinken. Dagbladet sin plattform Blink var nok først ute. Det vart derimot litt av ein brudulje då hjernen bak, Fredrik Kristiansen, nokre år seinare gjekk til konkurrenten VG for å utvikle Nettby. Særleg sidan Nettby viste seg å verte endå meir populært, og på det meste kunne skryte av 800 000 besøkjande. Men til slutt måtte også Nettby gje tapt for Facebook.
- Spørsmål 5 av 8
5.
Kven sin Instagram-profil har flest følgjarar, per oktober 2019? (Ikkje inkludert profilen @instagram)
MÅL! Korrekt. Det er nok Juventus-spelaren som har flest følgjarar – heile 187 millionar følgjer Cristiano Ronaldo på Instagram. Det er tjue millionar følgjarar meir enn Ariana Grande. Og verdsrekord-egget har berre 7,7 millionar følgjarar, men kan trøyste seg med å ha det individuelle bilete med flest likar-klikk: over 53 millionar hjarter på eit bilete.
Langt over mål! Det er nok Juventus-spelaren som har flest følgjarar – heile 187 millionar følgjer Cristiano Ronaldo på Instagram. Det er tjue millionar følgjarar meir enn Ariana Grande. Og verdsrekord-egget har berre 7,7 millionar følgjarar, men kan trøyste seg med å ha det individuelle bilete med flest likar-klikk: over 53 millionar hjarter på eit bilete.
- Spørsmål 6 av 8
6.
Det kan vere gode pengar i eit godt domenenamn. Mange av sala vert halde hemmelege, men kva er det dyraste domenenamnet som har vorte selt og ikkje er ein løyndom?
Er du stolt eigar av domenet korrekt.no? Selskapet QuinStreet kjøpte CarInsurance.com for nesten 50 millionar amerikanske dollar i 2010. Rett etter dei hadde kjøpt domena Insure.com og Insurance.com, som også kosta gryn. Det ryktast at LasVegas.com vart selt for nesten det dobbelte, 90 millionar amerikanske dollar, men dette føregjekk bak lukka dører.
Eig du domenet feil.no? Selskapet QuinStreet kjøpte CarInsurance.com for nesten 50 millionar amerikanske dollar i 2010. Rett etter dei hadde kjøpt domena Insure.com og Insurance.com, som også kosta gryn. Det ryktast at LasVegas.com vart selt for nesten det dobbelte, 90 millionar amerikanske dollar, men dette føregjekk bak lukka dører.
- Spørsmål 7 av 8
7.
Norske nettsider har som oftast adresser som sluttar på .no. Men kva område viser .sj til?
Som dei seier på Svalbard og Jan Mayen: Korrekt! Norid som driv toppnivådomenet .no har reservert .sj for framtidig bruk, men per i dag vert det ikkje nytta. Svalbard og Jan Mayen er med andre ord framleis norsk territorium også i internettlandskapet.
Som dei seier på Svalbard og Jan Mayen: FEIL. Norid som driv toppnivådomenet .no har reservert .sj for framtidig bruk, men per i dag vert det ikkje nytta. Svalbard og Jan Mayen er med andre ord framleis norsk territorium også i internettlandskapet.
- Spørsmål 8 av 8
8.
Kva TV-program var det som flest søkte opp på Google i 2018?
Korrekt! Game of Thrones er ikkje på topp ti ein gong, medan Altered Carbon kjem på ein respektabel andreplass. Den historiske dramaserien om Qing-dynastiet skal ha vore strøyma meir enn 15 milliardar gongar, og var ein monsterhit i Asia. Det er faktisk mogeleg å sjå alle dei 70 episodane på Youtube (med undertekstar), så kanskje ein skal la Netflix få ei pause?
Feil. Game of Thrones er ikkje på topp ti ein gong, medan Altered Carbon kjem på ein respektabel andreplass. Den historiske dramaserien om Qing-dynastiet skal ha vore strøyma meir enn 15 milliardar gongar, og var ein monsterhit i Asia. Det er faktisk mogeleg å sjå alle dei 70 episodane på Youtube (med undertekstar), så kanskje ein skal la Netflix få ei pause?
Resultat:
Vurdering:
