Nyhende- og debattavisa for unge
Nyleg samla om lag 100 000 menneske seg for fest i Vilnius, hovudstaden i Litauen. Dei feira og hylla den tradisjonelle, rosa retten kald rødbetesuppe.
Denne saka er skriven av søsteravisa vår, Framtida Junior.
For fjerde år på rad blir Pink Soup Fest arrangert i Vilnius. Festivalen hyllar den tradisjonelle, litauiske retten šaltibarščiai – kald rødbetesuppe på norsk.
Til ære for den knallrosa suppa blir delar av Vilnius farga i barbie-rosa på ulike måtar. I tillegg blir det arrangert aktivitetar, konkurransar, konsertar og parade.
Suppa blir også heidra med ei Pink Break (rosa lunsjpause). Då samlar dei mange tusen festivaldeltakarane seg for å ete kald rødbetesuppe saman, skriv AP News.
Mange menneske kler seg i rosa for anledninga. Andre har på seg agurk-, egg- eller rødbetekostyme. Agurk, egg og rødbeter er, i tillegg til kefir og dill, viktige ingrediensar i den rosa suppa.
