Militærhunden Apolo fekk medalje under ein seremoni i Ecuador 3. juni. | Foto: Dolores Ochoa / AP Photos / NTB
Militærhunden Apolo fekk medalje
Han og fem hundekollegaer fekk heider og ære for arbeidet sitt.
Denne saka var først publisert hos Framtida Junior.
På måndag fekk hundane Dayco, Amanda, Apolo, Zeus og Maly medaljar under ein seremoni i Ecuador.
Hundane er av typen belgisk fårehund. Dei arbeider for den militære etterretningstenesta i landet. Det er mykje kriminalitet på grunn av narkotika i Ecuador.
SEREMONI: Det var ein høgtidleg seremoni då Apolo fekk medaljen sin. | Foto: Dolores Ochoa / AP Photo / NTB
Ein av hundane hadde funne narkotika på ein person. Ein annan hund hadde funne sprengstoff gøymt under eit bildekk.
Hundane har spelt ei viktig rolle for offentleg sikkerheit og i kampen mot organisert kriminalitet, sa oberst Santiago Salazar, ifølge The Independent.
DAYCO: Også fårehunden Dayco fekk medalje på måndag. | Foto: Dolores Ochoa / AP Photo / NTB
Annonse
